سلام الى كل من يحمل دما جزائريا و سلام الى كل من يتاسف لكونه ليس جزائريا
كاين الي كبير من عند ربي وكاين الى
صغير في عيوبو يخبي
كاين الى كبير بانجازاته يسطع وكاين الى
صغير بالبقشيش يطلع
يا..الى تعرف روحك صغير بركا في
الكبار ما تزاحم
كل ما تخسر تقول كاين تقصير وتجرب كيفاش
ترقع و تنمم
يا..الى كبرت الفريق في عيون الانصار حتى حسبو رواحهم
"الابطال" باختصار
و انت عمرك ما ربحت بلا تبزنيز اللعب في الميدان
خاطيك بصح تلعب في الكواليس
وانت تعرف ان مهما كان فريقك مليح قدام
الجزائر دايما يطيح
لاكنك رفعت التحدي وقلت كلام كبير "تربحونا في القاهرة
"وهد الشى محال يصير
و جا يوم السبت بعد طول انتظار كلما
نتفكرو نتكلم بافتخار
بان الفريق القوي و بانت معاه الحقيقة كل شىء ظهر
غير في 90 دقيقة
وعلى زياني هدرتو وقولتو لعجب بهادك الرجل المصاب
بليساكوم في القلب
وعنتر عليه ياما حكيتو وحكيتو وعلى جال دفاع
نتاعو هداك ليوم بكيتو
ولوناس الشاطر قولتو عليه ضعيف بفضل ربي وشطارة الشباك
نتاعنا بقا نظيف
وحتى صايفي قولتو عليه فنيان بربي قولولي شكون
الي تفنن ودار حالة في الميدان
الحلم الى حلمناه هدي عدة اعوام حقوه رجال
نتاعنا و جبناها في القدام
تاهلنا زهينا شطحنا و غنينا وفرحنا
فرحه محال ننساوها
على خاطر مع الفريق لبعيد مشينا وصبرنا في الشدة
وبفضل ربي و رجالنا الشدة ضواوها
والمونديال كان الهدف الاول الهدف
الرئيسى الى عمرو ما تحول
الحمد لله ياربي بلادي الوردة زهات والحمد لله
ياربى الضحكة للوجوه ولات
ونطلب منك يارب العالمين احفظ
الجزائريين من العين
وبربي للمونديال رايحيين
والى مايفهمش الدرجة ،راني هنا نطرجملو ، حتي بالمصرية مكاش مشكل ، ياك حنا
الجزائرين قادرين على كل شىء
قولولي رايكم .........................................راني نستنى ماتحشمونيش
هادي اول تجربة