الورقة اللي جننت البناااااااااات لاتفووووووتكم

فية عجوز على فراش الموت وما عندها إلا ولد واحد....
وهي على الفراش الموت قالت له وصية..خذ ياولدي الورقة هذي....
وأي بنت تشوفها {بأي مكان} إفتح لها الورقة (وخلها تقراها)
وياويلك (إذا قريت اللي فيها) أنت ماتشوفها ماتفتح الورقة.... إلا إذا وافتك المنية.... وقربت تموت قالها إبشري........وماتت الأم الله يرحمها...حزن الولد حزن شديد...وضاق صدره.... بعد مده...قال لازم أنفذ وصية أمي..طلع للشارع...وبالصدفة وهو مار من عند(محل قهوة) قال يالله...اضرب لي فنجال قهوة أعدل الراس فيه.....دخل المطعم....طلب قهوة جت لمه الجرسون(بنت) وقدمت له القهوة وهو يشرب القهوة...قال ليه ماأوريهاالورقة..فكرة والله..قام أخينا بالله وفتح لها الورقة البنت على طووووول قامت تصارخ عليه ياللي فيك يالخسيس يالحقير ياقليل الأدب ياعديم الذمه ياعديم الضمير يامنحط يا سافل.....الرجال..طايرتن بوهته...مايدري وش السالفة جاه صاحب القهوة...وطرده المسيكين ضاق صدره وحزت في خاطره قال أكيد البنت هذي مجنونة...أكيد فيها شي..طلع من القهوة ...ومشي في الشارع وبالصدفة لقى ملاهي قال أبي أدخل فيها دخل الملاهي وراح يلعب فيها راح إلى لعبة تصادم السيارات يحبها من يوم كان صغير مالقى ولا سيارة فاضية شافتة بنت قالت له تعال إركب معاي الرجال إنبسط فرح ركب معاها وقام يلعب وسواليف وفله حجاج وسعه صدر وبالأخير عزمته على أيسكريم إنهبل ماصدق خبل راحوا يشترون أيسكريم وقعد يسولف معاها قال أبي أوريها الورقة أكيد تختلف عن البنت اللي في القهوة فتح لها الورقة البنت على طووووول ياللي فيك ومافيك يالخسيس يالحقير ياقليل الأدب ياعديم الذمه ياعديم الضمير يامنحط ياسافل صطرته ولعنت وجهه وهج منها..برضه الرجال مايدري وش الطبخه ونفسه يقرأ اللي في الورقة لكن أمه محذرته راح للبيت مر على مطعم قال ليه ما أتعشى طلب عشاء كبسة رز أدهر فيها بالبيت وشبع..بالليل عوره بطنه قام يتوجع الظاهر فيه(زايدة)طار للمستشفى سووا له عملية زايدة يوم صحى من النوم شاف الممرضة قدامة قال أكيد هذي تختلف عن الباقيات هي بترحمني أنا مريض وراح تعطف علي وقام أخينا بالله ووراها الورقة البنت على طووووول ياللي فيك يالخسيس يالحقير ياقليل الأدب ياعديم الذمة ياعديم الضمير يا منحط ياسافل وقومي وأحذفيه من عند الدريشة (النافذة) إنهبل الرجال جن جنونه قال مالي قعده بالبلد هذي أكيد كلهن مجانين مالي إلا السفر خارج الديرة هذي قص تذكرة على اول رحلة خارج البلد ركب الطيارة وقعدفي الكرسي جت المضيفة تخدمه بنت أنتم عارفين وش بيسوي لها جابت له العصير وقال بإذن الله راح أوريها الورقة أكيد هذولي البنات راقيات ومحترمين فتح الورقة لها والبنت على طووووول ياللي فيك مافيك يالخسيس يا الحقير ياقليل الأدب ياعديم الذمه ياعديم الضمير يامنحط ياسافل والله لأنادي لك السوبرفايزر أشتكيه عليك جاء السوبر فايزر وسمع القصة من المضيفة قال أبدا...أبدا...مالك قعود بالطيارة هذي...أبدا مافيه إلا حل واحد........مافيه غيره...نرميك من عند باب الطيارة إنهبل الرجال وإنفقعت مرارته وبرضه مايدري وش الطبخة قال لهم معزمين من الباب قال شكواي إلى الله اللهم إني أنفذ وصية أمي...طيب...أنا عندي طلب ممكن.....قالوا تفضل....قال لهم..وأنا واقف عند الباب قبل ماتدفوني على الأرض...ودي أقرا الورقة لأني سالفة أمي كذا كذا....وقالهم إن أمة موصيته إنه مايقرأ الورقة إلا إذا جاء يموت وهو أكيد راح يموت لأنه بيطيح من الطيارة ...الزبدة...وهو واقف على الباب ومفتوح حاسهم الهواء..عجزوا يسوقون الطيارة وعلى وشك إنهم يدفووونه عشان يطيح ...فتح الورقة......عشان يقراها أخينا بالله أول ما إنفتح الباب...فتح الورقة ......وش صار له...طارت الورقة ودفووووه من عند الباب وطااااااح ومات المسكين وهو مايدري وش في الورقة....وأنا بعد مدري وش فيهاااااااا.....حرقت اعصابكم صح.هههههه هههههه هههههه أهم شي وسعت صدوركم....

وش رايكم في الموضوع أن شاء الله أعجبكم
لاتنسون ردودكم الحلوه يا حلوين....

» اللي ماله نفس يضحك يدخل
» أسئلة عامة والذكي اللي يجاوب عليها
» طريقه تعرف رصيد اللي متصل عليك
» اللهجة الجزائري هي اللغة اللي يتواصل بها الجزائريين
» كلمة روعة قليلة بحق هذا البرنامج اللي يشتغل لك