"~ وتبقى الحياه ورده
يتساقط حلمها يوما بعد يوم..
ويذبل بريقها بتأني
ونبقى حاملين ماتبقى لنا
من حنين وحفنه ذكريات."
راحلين بهاغير مبالين..!!
أدرٍيٌ أنكـ ٌمآنتْ ليٌ..
بس أحبــــــــك
ما أبي منك أي شيء
ودي لمــا عني ترحل
ودي عني لمــا تقفى
تذكر اللحظه الجميله
وتذكر أن جيت احبـــــــك
وتذكر أن رحت احبـــــــك
ولا يدوس الشـك قلبــــــــــك
للكاتبه : تغيرنـِـًـَـِـَــَـِآ<<هذا لقبي في كتاباتي
كان عبدالله جالس ويكتب هالابيات لكن وصل للبيت الي عجز يكتبه او ينطقه لانه شي صعـــــــــــب عليه واقوى منه
((عبدالله شاب عمره 24 سنه اسمر مملوح وله شعر اسود وكثييف جسمه حلو لكن لو ينحف شوي كان خفيف دم والي بقلبه على لسانه لكنه عصبي ومتهور جدا ))
هذا هو عبدالله الي حب ترف بنت خالته من صغره وكبر معه الحب للان
ررن جواله
عبدالله :الو
فواز: هلااا وينك ياخوي مليت وانا اتصل
عبدالله :ايه كنت ناسي جوالي بالغرفه
فواز:هاه نبي نطلع للمزرعه
عبدالله:اكيييد كلمت فهد ومحمد والشباب
فواز:ايه..اجل يلاه الوعد هناك سلام
عبدالله: الله يسلمك
هذا هو فواز((ولد اخت عبدالله لكن مثل الاصدقاء لان اعمارهم متقاربه فواز عمره 20 سنه عااقل وثقيل لابعد الحدود وكأنه اكبر من عمره له ملامح عاديه يلبس نظاره المميز فيه طوله وبياضه ))
..................................................
الجدهـ//اليوم الاجتماع عندي بالبيت وابيك تدقين على كل خواتك ومرت ولدك
موضي: يمه خلااص الله يهديك انا ماخليت احد ماقلت له
الجده:ايه صح يابنيتي اتصلي على اختك نوره اكدي عليهم تراه كل يوم مطلعه لي علثه يا اما الطريق ولا علاوووي اخاف عليه
موضي:ابشرك نوره وبناتها بالطريق ارتحتي
الجده:ايه امي وين البناات نادوهم ياكلون ويتقهون
((هذي هي الجد ه ام الجميع واطيب قلب الكل تبيه يفرح والكل تبيه مبسوط وتحب احفااده وبناته بشكل رهيب ))
((موضي هي البنت الاكبر لها وهي ام محمد ومنى وعبدالله وجدة فواز وريان ))
منى: يمه يمه وين ريان وفواز مااشوفهم
موضي: تعالي اجلسي كل الشباب اليوم مجتمعين بالمزرعه
منى: اعوووذ بالله اعووذبالله كم مره احذرهم واقولهم لاتطلعون وتروحن الا معطيني خبر حسابهم اذا رجعو
الجده: يابنيتي هدي عمرك وترى ريان وفواز كبرو ومهب صغار خليهم يعتمدون على انفسهم ويستانسون وبعدين هم قايلين لجدتهم موضي
منى :الله يصلحهم بس اجل وين منيره
((منى هذي بنت موضي الكبيره تحب الكشخه والماركات وتموت على المظاهر شخصيتها قويه لكن قلبها ابيض))
موضي: تقول انهم بالطريق
الجده :هي عاده تجي فوزيه مبكره
منى:ههههههه ياجدهـ فوزيه بناته يأخرنه تدرين الي توه تصحى والي تلبس
الجده:ايييه الله يخلف على هالجيل زمان البنت تقوم من الفجر وتسوي فطور اهله وترتب البيت والحين عساه تقوم تاكل
موضي +منى:هههههههههه
فوزيه:السلاااااااااام عليكم
ومن وراه اخته نوره :مشااالله كلكم جايين هنااا
الجده :قامت من فرحته بشوفت بناته
دخلو منيره ونوره وراهم البنات بأزعاجهم المعروف بنات واجتمعوو والكل يسلم (( فوزيه ونوره خوات موضي
فوزيه عندها نواف 25سنه ومتعب22 وسمر 20 وريما 17 واصايل 15 ابوهم خالد عبدالله الـ.. انسان حنون على عياله وجاد في شغله وتعامله مع الناس ))
اما نوره((الي تسكن بمدينه غير مدينة اهلها لكن قريبه وماتخليهم بالاجتمعات والمناسبات عندها ترف 20 وعلي 18 وميس17 سنه
ابوهم متوفي من زمان ))
سمر: توووووت يالدبااااا مشتتاقه لك
ترف :الله واكبر ماكنك مكلمتني من دقايق ههه
سمر:ضربت ترف ..مالت عليك وعلى الي يشتاق لك وين ميس هم الي يعرفون السنع فاارقي
ترف :تعااالي بس وين اصايل وريما مااشوفهم
سمر:تسوي نفسها زعلانه وترد براس خشمه...راحو يسلمون على جديده
ترف:المهم جبتي السيدياات لاتقولين نسيتهم اذببببحك
سمر:لااا جبتهم يالبطه امشي قدامي اسمعي جدووه تدورناا فديته
((ترف وسمر قصة صداقه واخوه لاتنتهي نصفان لاينفصل افكارهم واحلامهم وحده رغم انهم دايم يعترضون على بعض لكن ماترتاح وحده الى مقنعه الثانيه ))
المغرب :الساعه 6
عبدالله :يممممممممممممه يممممممممممممه وووينك تراي تأخرت
الجده:انت الحين ازعجتنا وصدعت بروسنا اسكت الحين تجيب الاغراض
عبدالله:ههههههه جده امي ماتسرع الا اذا ناديته لو بسكت بقابلكم الا العشااء
الجده:ايه اقول تعوذ من بليس وترفق تونا العيال مااطارو
عبدالله:سمي سمي وهذانا سكتنا ..الا اقول يمه جايين خالتي نوره
الجده :تناضره بنص عيين ههههه ايه جاايين
عبدالله:احللللللللللللللللللفي لااعاد قولي الصدق
الجده :تضربه بعصها وش شايفني واحد من ربعك اكذب عليك
عبدالله:ههههههههههههههههههه لا حااشاك بس انا اذا تحمست مادري وش اقول
موضي جايه وبيدها حافظات الاكل :اقول عن الكلام الزايد وتعال خذ الاكل
عبدالله:لا يمه كان ما استعجلتي انا ما وراي شي
موضي:الله واكبر عليك من توى صوتك واصل للجيرن والحين ماوراي شي
الجده::وهي تضحك ايه سامع بطاري تريف <<(تقصد ترف
عبدالله:ههههههههههه اجل تريف ((يازينه ويازين اسمها بعد)) طيب طيب نادو لي علاوي خله يطلع معي
موضي:امسك ويلاه الله يحفظك لاشوف واحد منكم جاي البنات بينبسطون وانتم بتضايقونهم وعلي بتلقاه بالمجلس
((طبعن عائلة عبدالله من صغيرهم لكبيرهم يعرفون ان عبدالله يحب ترف لانه ماعليه من احد وماخذ الموضوع على كيف وماهمه لكن الصعب بالموضوع ان ترف معتبرته اخو والسبب الثاني تعرفونه من احداث القصه))
عبدالله:جديده سلمي لي على بعض النااس
الجده:هههه يوصل يوصل انتبه لطريقك ولا تسرع تراني اعرفك ماتشوف الطريق من السرعه
في حديقة بيت الجده كانو البنات كلهم مع امهاتهم
جالسين والكل منشغل بالسوالف وحولهم القهوه والحلا
سمر/بناااااااااااات ياسخفكم تعااالو ساعدوني وجيبيو الشاهي والفطاير ماقدر انا لحالي
ريما : محد قالك تصيرين سنعه وتقومين كان قلتي للخدامات يجيبونه
ترف :ههههههههه وتضرب ريما على راسها انتي ماتدرين هي على بالها تلفت الانتباه عشاان يخطبونها هههههههه
البنات بصوت واحد :هههههههههههههههههههههه
سمر :اششششششششش ولا كلمه ززززين حسابكم عندي
منى :الا يامنيره بسألك عن البنت الي ذكرتيها لنا وش رايك فيها لعبدالله
موضي : أي والله انا ودي ازوجه عساه يركد ويعقل
الجدهـ : عبدالله تدرون من يبي لاتجلسون تخطبون له
سمر وهي تجلس:خخخخخ اسمعي ياتريف
ترف: وهي معصبه اولا اسمي ترررررررف مو تريف ثاني شي انتي مصدقه عبود هذا خرابيط مراهقه
سمر: والله مادري عنك انتي وياهم بس بجد انك رافسه النعمه برجولك
ترف: أي أي ناوليني الحلا بس
في مكان ثاني وعلى ضوء القمر والانوار الصغيره الي على الاعمده
كانت جلسة الشباب في المزرعه
محمد:ابو مشعل وانت راجع جيب لي معك ثلاث صحون
فهد: وش تبي فيها
محمد: جيبهم بسررعه وكلم على متعب تراه تأخر
فهد وهو راجع ناول محمد الصحون توني مكلم يقول قريب
محمد: عبدالله امسك هذا وانت ياريان خذ هذا
الشبااب مااتو ضحك على افكار محمد وقامو يطقون
وفواز يستهبل ويغني /من يقول اني لغيرك انا لك ماني لغيرك انا متعلق مصيري ياحبيبي في مصيرك ترررن ترررن
فهد:هههههههههههههه ياخي اسكت اسكت عليك صوت اسمع اسمع اسمع
القلب سلمك لك امره في حالتي انت ادرى يالي حنانك وطيبك ينحط على الجرح يبرى
عبدالله :ايوااا عليهم ابو مشعل
ريان : قام ربط خصره وصار يرقص بستهبال
محمد: ولد ولد وش هالرقص ماتستحي انت
ريان : ياخي هذا الرقص الي ماتعرف له
فهد : هههه كمل كمل العب العب تنكس
ريان: صار يتفنن ويهز كتفه
وعبداالله : يلعب بالصحن ويطق فيه بااتقان هو ومحمد
هذولا هم احفاد الجده الشباب قلوبهم على بعض وكأنهم اخوان
محمد طبعن خال فواز وريان واخو عبدالله وفهد ولد خالتهم ناديه الي توفت من زمان
في جهه اخر من المنطقه وفي بيت ام حمد كانت حنان جالسه على الاب توب
وفي يدها كوب الكابتشينو
وتتصفح منتدهاا
ام حمد: حنااان ياحناااااان
:نعم يمه ايش بغيتي
: تعاالي ابيك
:طيب طيب اسكر الاب واجيك نزلت حناان عند امها وهي تقول آمري يمه وش بغيتي
:شوفي يوم الخميس ماخذين استراحه وكل خالاتك بيجتمعون ابيك ترسلين لبنات خآلك خالد
:طيب يمه بس ليه ماتتصلين انتي
:لا ماراح اتصل انتي كأنك ماتعرفين الي بينا يلاه بس روحي ارسلي لهم من زمان ماشفناهم الله لايبارك بالي فرقنا
:خلاص يمه تعوذي من ابليس بيجي يوم ويتغير الحآل
:يمه بسألك خالي صالح ماتدرين مته بيرجعون من الشرقيه
: قريب ان شاءالله انا كلمته قبل امس يقول يبي لنا كم شهر
:الحمدالله مابغووو والله مشتاقين لهم
:الله يردهم سالمين
:امين واخذت جوالها عشان ترسل ل سمر بنت خاله وتخبرها بالاجتماع
((ام حمد منيره انسانه هاديه وطيبه عندها حمد وحنان
حمد متزوج وله اولاد لكن يشتغل برا المملكه
حنان بنت لها ملامح مميزه طويله وشعرها ناعم اخذت من امها الهدوء لكن ماتحب احد يدوس لها على طرف ولاتسكت عن حقها علاقتها مع بنت خاله سمر مره حلوه وكأنهم خوات ))
على الساعه 2 باليل كانو الشباب راجعين من المزرعه على بيت جدتهم
الجدهـ : ياحي الله هالطول <<كانت تقصد فهد حبيب الجد هالي ربته واعتبرته من عيالها
فهد:هلاا والله بالغاااليه
محمد:الله لنا الله لنا ياجده
:ياااوليدي كلكم غاااالين بس فهيدان معزته غير
محمد:ههههههه ايه الله يخليه لك يلاااه ياجده نادو لي خلود خلوها تطلع تراني ماشوف الطريق من النوم
الجده: الحيين تجيك قالو لها البنات
موضي الي دخلت عليهم وهي لابسه عباتها يلاه يامحمد تراني بروح معكم
محمد:ان شاءالله قام وباس راس جدته مع السلامه ويلاه يمه لاتأخرون
:انشاءالله
الجده:وانت يامتعب يلاه يابوي قم وصل امك
:شدعووووى ياجده مليتي من وجهي
:لاايابوي بس امك من زمان تحرااك((تنتضرك))
:ههههه طيب سمي يلاه قولي لها لاتأخر وقولي للبنات ان جلست خمس دقايق انتظرهم برووووووح
:الله يصلحك بس استانس البنات يبي ينامون عندي
:مشااااءالله وش عندهم
:تدري خالتك نوره جايه وبنات خالتك مب سامحت لهن يروحن
عبدالله:اجل يافهد انا بنام عندكم اليله مبطي مانمت عند الغااليه
:ههههههههههههه اجل مبطي مانمت
متعب:اقووول قم قم تراك مكشوووف
عبدالله:شووفيهم ياجده مايبوني انام عندك
:خلووو وليدي ينام عندي ماعليكم منه
:هههههههههه فديت هالريحه والله وراح يتوسد رجل جدته وغطى عيونه عشان يفقدون الامل انه يروح
فهد:يمه قولي لهم اني برقى خلي البنات يبعدن
:طيب يابوي
:فهد وهو يوقف ويحرك عبدالله برجله يلاااه انت قوم الله يعيني على شخيررررك
متعب:قام باس راس جدته وسلم عليهم وطلع
الجدهـ:ياالله على بابك ياكريم تصبحون على خير ويلاه قومو نامو عشان صلاة الفجر الله يصلحكم
عبدالله:سمي يالغااليه
البنااات فوق كانو هوشات ومعاارك طاحنه على الاماكن
وكل وحده تضرب الثانيه بالمخده الي معها
ميس :انا انا هنا مالي شغل
ريما:ميسووه احجزي لي بجنبك خلينا تحت المكيف احسن
اصايل:يااااااااااسلاااام لالا كذا مايجينا الهواء
ريما:يلاه يلاه تقلعي من سبق لبق
ترف:خلاص تعالو سمر واصايل خلونا ننام هنا احسن واوسع
دخلت عليهم نوره :الحييين وش هالازعااج
سمر: سوري خالتوو بس حنا نتهاوش على الاماكن
نوره:الحين ماشفتو اشكالكم اقسم بالله تقولون طالعات من مقبره هههههه ((البنات كانت اشكالهم نكته ببجامتهم وكل وحده كشتها طايره والي ازارابجامتها مفتحه عقب الهوشه الي تو))
ترف:هههههههههههههه أي والله شوفي شوفي ميس وشلون شكلها هه
سمر:ههههههههه الله يقلع بليسكم
ريما:اقوول سكرو النور خلونا ننام
بها الوقت كان عبدالله وفهد على الدرج وراقين ويسمعون اصوات البنات الي واصله لاخر الفله
فهد:استغفرالله وش هذا قسم فضحونا بالجيران
عبدالله:هههههههه قسم حسيت اني بحراج هههههه تكفى اوقف شوي خلينا نشوف وش عندهم
فهد:وربي انك فاضي والله ماعندهم سالفه هبال بنات<<<ههههه شديد مايحب حركات البنات
عبدالله:ههههههه اسمع اسمع شكله فيه هوشه
:اصبر انا الي بسنعهن مشى فهد لغرفة البنات وطق الباب
سمر:وهي توقف عند الباب وتعدل بجامتها مييين ؟؟
فهد:انا فهد وين خالتي
سمر وهي تلف على البنات وحاطه ايدينها على رقبتها يمممممممممه بنات فهد فهد برا ياااويلنا الله يقلعكم اكيد بيهاوش
أ أ أ خالتي بالغرفه الثانيه
فهد وهو يلف على عبدالله :تعال
عبدالله :انت وش بتسوي والله مالك داعي
فهد:شوف عبدالله انا ماعندي مشكله يسون الي يبون بس انت تدري عندنا جيران وش بيقولن اذا سمعوهم
عبدالله هز راسه بعدم اقتناع<<خلق وفرق يحب الصجه واللعب
فهد طق الباب على غرفة خالته
نوره:هلا والله وش عندكم مانمتو للحين
فهد:هلا بك ياخاله الحين بنام بس ابيك تقولين للبنات يهدون الصراخ شوي تدرين عندنا جيران
نوره:ماعليش ياولدي الحين ارو حاوريهم الشغل فشلونا باااصواتهم
عبدالله:بضحكه طووويله هههههه وناسه شوفي خالتي عاد هواشيهم وان حصل بالعقال بس عاد الا ترف
فهد: مسك عبدالله مع ايده وسحبه تعاااااااااال قال ترف قال
نوره :ههههههههه هي اول وحده بهوشه
اصايل وميس وترف وسمر عند الباب جالسين يسمعون الي يصير
اصايل: ياااااااااعيني على الي يوصون هههه
ترف:هههههههههه اوووص ولا كلمه ياشين الغيره
سمر:بس بجد ماله داعي اف لو يحصل له سكر علينا بغرفه ولاطلعنا منها
ميس:لا عاد تبون الصدق اصواتنا مره عااليه
اصايل:ااف الحين وش بنسوي والله ودي نلعب
انفتح الباب بقووووه ونوره تدخل:انتم ماتستحون فشلتونا مع عيال خالتكم الحين شيقولون عنكم فهد جاء ونبه علي يقول خليهم يقصرون اصواتهم
ميس:يمه اسسسسفين خلاص
اصايل وهي تبووووس خالته :بليز خالتو توبه وعد ماتسمعين اصواتنا
نوره :شوفو والله اذا سمعت لكم صوت ماتلومون انفسكم
ترف :سمي تامرين ياعسل
سمر:طيب الحين فهد وعبدالله دخلو
نوره:ايه دخلو وان شفت وحده برا الغرفه ياويله الا الي تبي الحمام تطلع
ترف:يمه شدعوى مدرسه والله نبي نستانس
نوره:انا قلت الي عندي ويلااااه لااسمع صوت
البنات سكرو الباب وهم مقهورين من فهد وشدته عليهم
اصايل :انتي وياه من جدكم بتنامون الحين بصراحه توه تبدي السهره
ميس:انا والله دايخه بنام وشكل ريمو نامت
سمر:هههههه بسم الله امداه
ترف:ريموو للحين ماتغيرت تنام وهي جالسه؟؟
اصايل:ههههههههه أي فاتك ذيك المره وجلست تقولهم عن موقف لريما
وخلصو سهرتهم بضحك ولعب ....
ناخذ وصف سريع للبنات نبدى
((ترف: بيضاء ولهاملامح ناعمه يميزها والخشم الشيوخي و الغمزات وشعرها الناعم والبني طولها وسط وجسمها بين النحف والسمن))
((ميس: طووويله ونحيفه كثير يقولون تشبه الممثله يلدا شعرها اشقر واصل كتوفها))
((سمر: لونها قريب للبرونز لها ملامح غير عن البنات وعندها ابتسامتها تذووووب اطول من ترف شوي وجسمها حلو شعرها دايم كيرلي وهو لنص ظهرها ))
((ريما :اطول خواتها وانحفهم بيضاء وشعرها ناااااعم بقوووه واسود لها ملامح جذاااابه ))
((اصايل:بيضاء ودبدوبه وبيبي فيس وهي اطول البنات شعر ))
.
.
..
..
...
صباح آخر ...
وجسدي لا زال يحاول فك الحصار الذي عرفه بعد ليال طويلة من التعب ..
طويلة من الوحدة ...
تشتعل في رأسي أفكار كثيرة ... تجعلني أترنح كالثمل .. أتحسس وجهي لأكتشف أن الرطوبة التي أشعر بها هي نتيجة الدموع التي آنستني طوال الليل ...
سيل أفكاري قاطعه صوت المنبه لأتذكر أن عليّ الذهاب إلى العمل وأكتشف لأول مرة أنني بت أستيقظ بفعل ساعتي البيولوجية ... فالمنبه لم يعد بعد الآن سوى تدبير وقائي ...
وقفت عند النافذة ... فرسم البرد شكل أنفاسي على الزجاج ... عاكسا كل تلك الأحلام والآلام التي لا تزال تتصارع في داخلي
زفر نواف بـ آآآآه من اعماق قلبه وقام من عند الدريشه(النافذه)
:سعود قووووم ياخوي يكفي نووم يلااه ترانا تأخرنا
:سعود وهو يحرك راسه بزعاج ,لحضه يانواف تكفى بس شوي
:شووف بروح اسوي لنا فطور اذا جيتك وانت ماصحيت بمشي عنك
:طيب طيب رمى الغطى وجلس يتمغط شوي
سعود وهو يجلس وياخذ كوب القهوه:آآآآخ يابو خالد حنيت لهلي
:وش تبينا نسوي مابيدينا حيله وتشوفنا تعذبنا معهم وهم مب راضين يعطونا اجازه لو اسبوع
:شوف انا اخر امل عندي اليوم لاني مواعد واحد من الشباب يعرف بها الامور ان شاءالله انه بيساعدنا
:الله كريم يلااه مشينا
((نواف وسعود جمعتهم الغربه مع بعض وصارو مثل الاخوان هذا هو نواف ولد خالد الي تغرب على عشان يرفع راس ابوه واهله
وسعود الي طموحه تعدا حدود انه يجلس ويصير موظف عادي كان يبي يصير له مكانه في المجتمع سعود تغرب عشان يقدر يعز نفسه وامه واخته الي شافو من الظيم والذل ماكفاهم كان كل طموحه انه يرجع اكبر دكتور ))
الساعه الخامسه عصر يوم الجمعه
نوره:ترف ميسسس وينكم تأخرنا
الجده:ياليتكم يابنيتي تجلسون عندي ماشبعت منكم
ترف وهي جايه وعليها عباتها :ان شاءالله ياجده وعد من اجي اجلس عندك بالعطله القريبه
:حياااك الله يابنيتي تو ماتنور دار ابو راشد
نوره:يلاه يمه توصيني على شي بنمشي قبل اليل
:سلامة عمرك اذا وصلتو اتصلي علي
:مع السلاااامه
اصايل وسمر وريما :كانو عند الباب الخارجي يودعون البنات
سمر: بآآآآي يالدبيااات بتوحشووووني
ريما:ميسوووه وربي بشتاق لك
ميس: وانا اكثرر ياقلبي لاتنسين تدخلين مسن اليوم بتنظرك
:اكيييييييد بدخل
اصاايل :يلاااه بنوتات بااي انا بدخل مت من الحر
ترف:باااي سمور اشوفك يوم السبت ان شاءالله
سمر:اووف الله يعين ان شاءالله
((سمر كانت تدرس بالجامعه الي في مدينة خالتها نوره لان القسم الي تبغاه مو في جامعتهم وكانت هي وترف في نفس الجامعه ونفس القسم ))
ودعو البنات بعض ورجعو لداخل الفله عند جدتهم
في اخر نهار هذا اليوم المبارك الي كثير غفل عن الساعآت المستجابه فيه دعوات العباد لربهم وكثير الهته دنياااه انه يغتنم هالفرصه الي بيندم في يوم من الايام انه ماصلى فيها على النبي ومادعاء ربه
كانو يتسكعون بااسياب المجمع ويرسلون لكل اسم يصادفهم بالبلوتوث ارقامهم وايملاتهم وماخلو بنت بالمجمع ماتحرشو فيها
مصعب وهو يجلس في الكافتيريا:خلاااص انا تعبت من الحواطه خلنا نجلس شوي نشرب شي وناكل لاني ميت من الجوع
يزيد:طيب بس ترا على حسابك لاني بجد مفلس
:ههههههههههه وانت عمرك صار معك شي طول عمرك مفلس
:طيب ياخي لاتذلنا بكاس هالقهوه الي بتشربنا
:شدعووووى يزيد ماعاش من ذلك
طلبو لهم واكلو وقامو يكملون دورانهم
مصعب: لحضه لحضه الوالده تتصل
يزيد:اااف ياخي مب هذا وقتها اصبر
مصعب:انت مب صاحي اقولك الوالده مو واحد من الشباب
يزيد:طيييب اصبر شوي شوفه الغزال الي قدامنا لانضيعها وشكلها خفيفه وبتعطينا وجه
مصعب:يااخي روووح الي بتجي منهم بكيفها ولا انا ماروح لها
:ههههههههههههع ياخي اسكت اسكت
مصعب وهو يرفع جواله :هذي امي تتصل ثانيه
:اقووول جيب الجواااال ..اخذ الجوال وحطه على الصامت
:وش سويت انت
:بس خلينها صامت لين نخلص شغلنا
مصعب هز راسه وهو ما اقتنع بالي طاوع فيه يزيد
بس ماجلس دقايق الا هو ناسي جواله ونسى امه الي حرقت الجوال وهي تتصل عليه
نتعرف على هالشخصيتين مع بعض
((مصعب صالح الـ.. 27سنه ماخذ حياته لعب وناسه نوم وصرف فلوس حنطي وسيم لابعد الحدود يمتلك عيون جميله ونظرات حاده وجسم رياضي.. محترم امه وابوه ويموت في عائلته لكن شأت الاقدار ان تحط في طريقه صاحب السوء يزيد الي مايزيده غير شر وفساد))
((يزيد بشرته بيضاء جسمه مربوع كان اقل من عادي وجهه مو مريح سبحان الله
شاب ماعنده طموح ولا عنده هدف في حياته غير ملاحق بنات خلق الله
اظطر انه يجاري مصعب ويطيعه بالي يبي عشان فلوسه ))
:خلاااص يزيد انا برجع للبيت واذا صار معي وقت نتلقى باليل
:اوكي سلام
دخل مصعب البيت :ياااهو اين انتم ياااااقوووم
لف البيت مالقى احد والتفت على صوت الباب الي انفتح وراه
هلااااا هلااا وسهلا بالغااااليه
ام مصعب:ناضرته وصدت عنه وراحت
دخلو بعدها البنات ولا وحده منهم كلمته
مصعب وهو يلمس شعره بااستغرب انتم شفيكم ليه وجيهكم كذا
لفت عليه عبير وهي تقول اسأل نفسك يااخوي
مصعب وهو بدى يعصب:عبيرررررررررر وقفي وانا اكلمك فاهمه ولا لاء
عبير وهي ترفع شعرها عن وجهها :نعم اخلص مالي خلقك
مصعب:شفيكم محد يتكلم وتطالعوني كذا احد صاير له شي
عبير تمسح عيونها بطرف عباتها وتصيح :ابوووووووووووي يامصعب ابووووووووووي تعبـــ ــ ـ ـ ــآن وتكمل صياااح
مصعب وهو يقرب منها ويهزها قولي لي وش فيه ومته تعب انا طالع من البيت مافيه شي
رفعت راسه له ودموعها غطت وجهها تعب العصر علينا ارتفع عنده الظغط ولاننا تأخرنا ماودينه للمستشفى زادت حالته ودخل في حالة اغماء وللحين ماصحى
مصعب حضن اخته عبير وغمض عيوونه بقهرر والم لان هو السبب بالي صار لبوه
هو الي تأخر ولا رد على اتصالات امه هو الي طاوع يزيد ولا رد عليها وتسبب في تردي حالة ابوه
آآآآآه خلاااص ياعبير انا بطلع الحين بروح اشوف ابوي
:ليش يامصعب مارديت انت تدري ان مالنا غيرك ومانعرف احد هنا
:خلااص ياعمري انا اسف ان شاءالله ماتتكرر الحين روحي ل امي وعنود وقولي لهم اني رايح اشوف ابوي
طلع مصعب على طول للمستشفى وهو يلووووووووووم نفسه ويتحسب على يزيد
.
.
.((عائلة صالح عبدالله الـ.. موظف كبير وله مكانته انسان طيب على شدته وهيبته يحب الخير لناس
مربي عياله احسن تربيه ولا قصر عليهم بشي عنده مصعب وعبير 20 سنه اجتمااعيه لابعد الحدود ومرحه كانت تشبه اخوه مصعب لكن ملامحه انعم لانه بنوته شعرها قصيرر مره وعنود 15 سنه بنت شااطره كانت ملامحها غير عن مصعب وعبير كانت تشبه امها بيضاء وعيونها عسليه وشعرها لنص ظهرها حبوبه لكن تعصب بسرررعه
امهم القلب الحنون الي تحب عياله واهم شي عندها تشوفهم مبسوطين))
.
.
.
.
.
.
.
نزل راسه على صدرابوه ومامنع دموعه انها تنزل
يبه انا اسف والله اسف كله مني انا الي وصلتك لهاالشي
حط ايده على راس مصعب :قوم يابوي انت مالك دخل بشي
رفع راسه وعيونه تحتضن ابوه :يبه انت صحيت الحمدالله على السلامه يالغاالي
:الله يسلمك وين امك وخواتك
:بالبيت يبه ومن شوي راجعين منك
:بتصل على امي اطمنها تلقى قلبها محترق عليك
:ايه يبه اتصل وقولهم اني بخير
مصعب باس راس ابوه واتصل على امه يطمنها
.
..
.
.
.
.
فتح باب الشقه والفرحه باااينه بملامح وجهه نووووووووووووووووواااااف
نوااااااااااااااااف تعالي وجيب معك البشاااره
طلع نواف من الحمام وهو ينشف شعره :شفيك شفيك والله انك ازعجتني
سعود: وهو يطالع الورقه الي بأيده ويرفع راسه ويناظر نواف بنص عين اجل ازعجتك هاه
نواف وكأنه فهم :سعووود لااا لااا لاتقوول
:هههههههههههههههههههههههههههههههههههههه الا بقول عطونااا اجازه اسبوعيييييييييين اسبوعيييين
نواف ترك المنشفه ونط على سعود وتعلق برقبته فديييييييييييييييييتك وقام يبوس فيه
:هههههههههههههه ابعد ابعد اقسم بالله قرفتني حسيت اني شغاله توها راجعه لااهلها
نواف وهو يفكه ويجلس على الاريكه :هههههههههههههه مالت عليك انت وش عرفك بالحركات هذا جزاي
:قم بس جهز شنطتك ترا بكرا تبدى اجازتنا ومابي اضيع منها ولا يوم
:لحضه لحضه خلينا نروح اول نحجز لنا قبل تسكر المكاتب
:اوووكي يلاه البس
:آآآآآآخ ياسعود ولله مابرد خااطري غيرك الله لايحرمني من هالفيس ولا يحرم هالفيس منك هههههه
سعود وهو يقلد حركات البنات ويلف خصله من شعره على اصبعه:خلااص ياخي لاتحرجني تراني بذووووب
:هههههههه الله يقطع شيطانك والله مب لاااااايق عليك الدلع
كان ماشي بسيارته ومتجه لدوامه وسرحآآآن ورايح بعالمه
الي ما اخترقه غير صوت الشاعر حامد زيد وهو يردد ابيات شعره:
على ذاك الطريق اللي يسمونه غرام iiأحباب
وطت رجلي على دربه ولاأدري وش نوى iiفيني
تبعته لآخر دروبه .. ألين أن القمر قد iiغاب
تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما iiواعشاب
بعد ذاك الظلام اللي يتوهني iiعناويني
آآخ ياحامد انا اشهد اني توقهت بهالطريق الي ماقدرت اطلع منه احببببببببببها غصب عني احببببببببهااا
سكر المسجل ونزل من سيارته وهو يقول الله يجعلك من نصيبي ياترف
هذا حال عبدالله الحاااالم والعااشق من طفولته لترف
ياترى بتكون من نصيبه ولا بتجبر عبدالله الاقدار وتبعده عن طريق ترف ؟؟...
سيكون توقفي هنآآ ..
ولي عـَـَـَودهـ ..!بأذن الله ..!
دمتم بود
وشكرا
